Tarun Bharat

पिरनवाडी येथे तरुणीची आत्महत्या

राहत्या घरी गळफास घेऊन संपविले जीवन

प्रतिनिधी / बेळगाव

रामदेव गल्ली, पिरनवाडी येथील एका तरुणीने राहत्या घरी गळफास घेऊन आत्महत्या केल्याची घटना बुधवारी सकाळी घडली आहे. बेळगाव ग्रामीण पोलीस स्थानकात या घटनेची नोंद झाली आहे. आत्महत्येचे कारण गुलदस्त्यात आहे.

ऐश्वर्या सुनील पोटे (वय 20) असे त्या दुर्दैवी तरुणीचे नाव आहे. ऐश्वर्या मूळची शहापूरची असून गेल्या दहा वर्षांपासून ती पिरनवाडी येथील आपल्या मामाच्या घरी राहत होती. गेल्या एक वर्षापासून एका खासगी कंपनीत काम करीत होती. बुधवारी सकाळी 9 ते 10.30 या वेळेत तिने गळफास घेऊन आत्महत्या केल्याचे पोलिसांनी सांगितले.

सिव्हिल हॉस्पिटलमधील शवागारात उत्तरीय तपासणी करून मृतदेह नातेवाईकांच्या ताब्यात देण्यात आला. बेळगाव ग्रामीणचे पोलीस निरीक्षक सुनीलकुमार नंदेश्वर पुढील तपास करीत आहेत. तरुणीच्या आत्महत्येने परिसरात हळहळ व्यक्त करण्यात येत आहे.   

Related Stories

युनियन जिमखाना- सिग्नेचर आज अंतिम लढत

Amit Kulkarni

‘त्या’ न्यायाधीशांच्या विरोधात सोमवारी निवेदनांचा वर्षाव

Amit Kulkarni

बकरी चोरीप्रकरणाचा पोलिसांकडून छडा

Amit Kulkarni

हॉस्पिटलमध्ये रुग्ण दाखल करताना वाहनांवर पोलिसांची कारवाई

Amit Kulkarni

मराठा मंदिरमधील रेडिमेड गारमेंट्सच्या सेलला प्रचंड प्रतिसाद

Amit Kulkarni

भाजीपाला दरात भरमसाट वाढ

Patil_p