प्रतिनिधी / कोल्हापूर
पीपल्स रिपब्लीकन पाटीचे (पीआरपी) राष्ट्रीय उपाध्यक्ष थॉमस कांबळे (वय 68) यांचे नागपूर येथे अकस्मिक निधन झाले. त्यांच्या पश्चात पत्नी, तीन मुली, भाऊ, नातवंडे असा परिवार आहे. पीआरपीचे राष्ट्रीय अध्यक्ष प्रा.जोगेंद्र कवाडे यांचे अत्यंत विश्वासू सहकारी असणाऱया कांबळे यांनी दलितमुक्ती सेना, दलित पँथरच्या काळापासून चळवळीत सहभाग घेतला.
मराठवाडा विद्यापीठाच्या नामांतर आंदोलनात काढण्यात आलेल्या लाँगमार्चमध्ये प्रा. कवाडे यांच्या नेतृत्वाखाली कांबळे यांनी सहभाग घेतला होता. चळवळीतील अभ्यासू व्यक्तीमत्व म्हणून त्यांचा लौकिक होता. पीआरपीचे जिल्हाध्यक्ष डी. जी. भास्कर यांनी कांबळे यांनी कांबळे यांच्या निधनाने दलित चळवळीची मोठी हानी झाली असून निष्ठावान, विचावंत, अभ्यासू नेता गमावल्याची खंत व्यक्त केली आहे.