पुलाची शिरोली / वार्ताहर
पल्सर मोटरसायकल स्लीप होऊन झालेल्या अपघातामध्ये कर्नाटक मधील युवकाचाजागेवरच मृत्यू झाला. अभिषेक मल्लेशी सोनगल ( वय २३, रा. पूर, ता. अलनावर, जि. बेळगाव ) असे मृताचे नाव आहे. हा अपघात रविवारी सायंकाळी सात वाजता पुणे-बंगलोर राष्ट्रीय महामार्गावर शिरोली औद्योगिक वसाहतींमधील मनुग्राफ इंडिया लिमिटेड कंपनी समोर झाला.
याबाबत घटनास्थळ व पोलिसांतून मिळालेली माहिती अशी, अभिषेक सोनगड हा नवीन बजाज पल्सर मोटर सायकल घेऊन शिरोली एमआयडीसी मध्ये आला होता. महामार्गावरून जात असताना त्यांनी वेगावर नियंत्रणासाठी डिस्क ब्रेक लावला यामध्ये त्याचे गाडीवरचे नियंत्रण सुटून गाडी स्लीप झाली. मोटारसायकल स्लीप झाल्यामुळे अभिषेकचे डोके महामार्गावर जोरात आपटले. या मध्ये तो जागीच ठार झाला.
याबाबत शिरोली एमआयडीसी पोलीस ठाण्यात रात्री उशिरा गुन्हा नोंद झाला.