पुसेसावळी / वार्ताहर :
पुसेसावळी येथील बँक ऑफ इंडियाच्या आवारात असलेले एटीएम मशीन रात्री उशिरा अज्ञातांनी फोडण्याचा प्रयत्न केला. मात्र, तो प्रयत्न फोल ठरला.
या बँकेच्या आवारात रात्रीच्या वेळी सुरक्षारक्षक नसतो. त्यामुळे चोरट्यांनी एटीएमच्या कॅमेऱ्यावर चिकटपट्ट्या लावून गॅस कटरच्या सहाय्याने एटीएम फोडण्याचा प्रयत्न केला. मात्र, त्यांना यश आले नाही.
सकाळी बँकेचे कर्मचारी स्वच्छता करण्यासाठी आल्यानंतर झालेला प्रकार त्याच्या लक्षात आला. त्यामुळे त्याने तातडीने बँकेच्या अधिकारी वर्गाला सदरची घटना घडल्याची माहिती दिली. त्यानंतर तातडीने पो.हवा.प्रशांत पाटील यांनी तातडीने ८:३० वाजण्याच्या दरम्यान, घटनास्थळी भेट दिली.परंतू बँकेचे अधिकारी माहिती मिळूनही तातडीने न आल्यामुळे पोलिसांनाच ताटकळत बसावे लागले. सातारा येथील श्वान पथक व ठसेतज्ञांनी हजेरी लावत शोध घेण्याचा प्रयत्न केला. परंतु त्या ठिकाणी कोणताही सुगावा लागला नाही.