ऑनलाईन टीम / सांगली :
न्यायालयाचा बंदी आदेश असतानाही आमदार गोपीचंद पडळकर यांनी शुक्रवारी झरे (ता. आटपाडी) येथे बैलगाडी शर्यतीचे आयोजन केले आहे. या आयोजनामुळे न्यायालयाच्या आदेशाचे उल्लंघन होऊ नये, यासाठी पोलीस प्रशासनाने आमदार पडळकर यांना नोटीस बजावली आहे. शर्यतीला बैलगाडय़ा येऊ नयेत यासाठी आटपाडी तालुक्मयाची नाकाबंदी करण्यात आली आहे. तसेच शर्यत स्थळासह झरे गावात मोठा पोलीस बंदोबस्त तैनात केला आला आहे.
असे असले तरी भाजपचे आमदार गोपिचंद पडळकर हे आपल्या निर्णयावर ठाम आहेत. माझ्या कानावर आले आहे, पोलीस मला अटक करणार आहेत. चर मारले किंवा मला अटक केली तरी शर्यत होणारच असे पडळकर यांनी म्हटले आहे.
दरम्यान, बैलगाडी शर्यतींमध्ये बैलांचा छळ होत असल्याने उच्च न्यायालयाने शर्यतींवर बंदी घातली आहे. याबाबत बैलगाडी मालक व शर्यत शौकिनांनी सुप्रीम कोर्टात याचिका दाखल केल्या आहेत. तर भाजपचे आमदार गोपीचंद पडळकर यांनी शुक्रवारी आटपाडी तालुक्मयातील झरे येथे बैलगाडी शर्यतीचे आयोजन केले आहे. पडळकर यांनी शर्यतीची घोषणा केल्यापासूनच पोलीस प्रशासन आणि पडळकर हे आमनेसामने आले आहेत. शर्यतीमुळे कोर्टाच्या बंदी आदेशाचे उल्लंघन होऊ नये यासाठी पोलिसांनी आमदार पडळकर यांना नोटीस पाठवली आहे.