खडक गल्ली येथील प्रकार
प्रतिनिधी /बेळगाव
बंदोबस्तासाठी खडक गल्ली परिसरात उभी करण्यात आलेली पोलीस व्हॅन स्थानिक दुकानदारांना अडचणीची ठरत आहे. यासंबंधी पोलीस अधिकाऱयांकडे विनवणी करूनही त्याचा काहीच उपयोग झाला नाही.
शहरातील वेगवेगळय़ा भागात बंदोबस्तासाठी पोलीस व्हॅन उभ्या करण्यात आल्या आहेत. खडक गल्ली येथे दुकानांसमोर ही व्हॅन उभी करण्यात आली आहे. त्यामुळे व्यापाराला फटका बसत आहे. या परिसरातील दुकानदारांनी अधिकाऱयांना विनंती करून व्हॅन थोडी बाजूला घ्या, असे सांगूनही त्याचा उपयोग झाला नाही. त्यामुळे दुकानदारांना फटका बसत आहे. दुकानांसमोरील व्हॅन हटविण्याची मागणी होत आहे.