तिमाहीमधील आकडेवारीचा समावेश : थकीत कर्जाची स्थिती सुधारल्याचा परिणाम
वृत्तसंस्था/ नवी दिल्ली
बँक ऑफ इंडियाची थकीत कर्जाच्या स्थितीत सुधारणा झाल्याच्या कारणास्तव डिसेंबर 2021 मध्ये समाप्त झालेल्या तिसऱया तिमाहीत निव्वळ नफा 90 टक्क्यांनी वधारुन 1,027 कोटी रुपयांच्या घरात पोहोचला असल्याची माहिती बँकेने दिलेल्या आकडेवारीतून स्पष्ट करण्यात आली आहे.
सार्वजनिक क्षेत्रातील बँकेने मागील आर्थिक वर्षातील समान कालावधीत 540.72 कोटी रुपयांचा निव्वळ नफा झाला होता. बँक ऑफ इंडियाने शेअर बाजाराला दिलेल्या माहितीनुसार तिसऱया तिमाहीत एकूण उत्पन्न कमी होत 11,211.14 कोटी रुपयांवर पोहोचले आहे. जे मागील आर्थिक वर्षातील समान कालावधीत 12,310.92 कोटीवर राहिले होते.