ऑनलाईन टीम / पाटणा :
बिहारमध्ये दलित समाजातील दोघांची गोळ्या घालून अज्ञातांनी हत्या केली. पूर्णिया जिल्ह्यातील चांदपूर भांगहान गावात मध्यरात्री ही घटना घडली. उपविभागीय पोलीस अधिकारी विभाष कुमार यांनी यासंदर्भात माहिती दिली.
अनमोल ऋषी (वय 50) व सुबोध ऋषी (45 ) अशी हत्या झालेल्या दोघांची नावे आहेत.
मिळालेल्या माहितीनुसार, अनमोल आणि सुबोध हे दोघेही चांदपूर भांगहान गावातील रहिवाशी आहेत. मध्यरात्री काही लोक या दोघांच्या घराजवळ आले. त्यांना बाहेर बोलावून लाठ्या, काठयांनी बेदम मारहाण केली. त्यानंतर त्यांची गोळ्या घालून हत्या करण्यात आली. हत्येचे कारण अद्याप अस्पष्ट आहे. पोलीस याबाबतचा अधिक तपास करत आहेत.