बुद्धिबळ स्पर्धेत रोनक साधवानी विजेता

स्पीलीमबर्गो (इटली) : इटलीमध्ये झालेल्या 19 व्या स्पिलीमबर्गो खुल्या बुद्धिबळ स्पर्धेचे विजेतेपद भारताचा युवा ग्रॅण्ड मास्टर रोनक साधवानीने पटकाविले. या स्पर्धेत साधवानीने 9 फेऱयामध्ये 7 गुण घेत अजिंक्यपदावर आपले नाव कोरले. 15 वर्षीय रोनक साधवानी (एलो रेटिंग 2579) याने दर्जेदार कामगिरी करत शेवटपर्यंत या स्पर्धेत एकही डाव गमविला नाही. त्याने या स्पर्धेत 5 डाव जिंकले असून 4 डाव बरोबरीत राखले. चौथ्या मानांकित साधवानीला या स्पर्धेमध्ये 5 विविध ग्रॅण्ड मास्टरशी लढत द्यावी लागली. साधवानीने पोलंडच्या ग्रॅण्ड मास्टर ऑस्कर विझोरेकचा  एका डावात पराभव केला तर इटलीच्या कॅपेलिटो, हंगेरीचा पेस्टी, इटलीचा लोडीशी आणि फ्रान्सचा ट्रेव्हडन यांच्यावरही विजय मिळविले.