लेह :
14 ऑक्टोबरपासून अटल भुयार रात्री 9 ते सकाळी 6 वाजेपर्यंत बंद ठेवण्यात येणार आहे. म्हणजेच या भुयारातून ये-जा करण्यास मनाई असणार आहे. याचबरोबर दुपारी 2 ते 3 वाजेपर्यंतही वाहनांच्या ये-जा करण्यावर बंदी असणार आहे.
रोहतांग ते लाहौल खोऱयापर्यंत 33 केवीए वीजवाहिनी टाकण्याचे काम केले जाणार आहे. याच कारणामुळे बीआरओने भुयारातील वाहतूक काही वेळ बंद ठेवण्याचा निर्णय घेतला आहे.
काम सुरू असेपर्यंत हा नियम लागू राहणार असल्याची माहिती पोलीस अधीक्षक कुल्लू गौरव सिंग यांनी दिली आहे.