ऑनलाईन टीम / बुलढाणा :
धावत्या एसटी बसचे स्टेअरिंग रॉड तुटल्याने झालेल्या अपघातात 23 विद्यार्थी जखमी झाले आहेत. बुलडाण्यातील कोथळी जवळ ही घटना घडली.
मिळालेल्या माहितीनुसार, अपघातग्रस्त एसटी बस सिचखेडनाथवरून मोताळय़ाला निघाली होती. दरम्यान, बुलढाण्यातील कोथडी जवळ ही बस आली असताना या धावत्या बसचा स्टेअरिंग रॉड तुटला. त्यानंतर बस चालकाचे बसवरील नियंत्रण सुटून बस रस्त्याच्या बाजूला असलेल्या खडय़ात आदळली. या अपघातात 23 विद्यार्थी जखमी झाले आहेत. त्यांना उपचारासाठी जवळच्या रुग्णालयात दाखल करण्यात आले आहे.