बेतोडा योगाश्रमात आजपासून रामचरितमानस कथा निरुपण

प्रतिनिधी/ फोंडा

कसमशेळ-बेतोडा येथील ॐ नित्य दिव्य योगाश्रमात 7 ते 14 नोव्हेंबर दरम्यान ‘श्री रामचरितमानस’ कथा निरुपण सप्ताह आयोजित करण्यात आला आहे. रोज सायं. 7 वा. कथा निरुपणाला सुरुवात होणार आहे.

आज रविवार 7 रोजी सायं. 5 वा. कसमशेळ गावातून ग्रंथ दिंडीने सप्ताहाला सुरुवात होईल. गेल्या दोन वर्षांपासून दिवाळीनिमित्त योगाश्रमात विविध धार्मिक ग्रंथ कथा निरुपण आयोजित केले जाते. यापूर्वी भागवत सप्ताह व ज्ञानेश्वरी सप्ताह साजरा करण्यात आला होता. यंदा श्री रामचरितमानस कथा निरुपण आयोजित करण्यात आले असून भाविकांनी उपस्थित रहावे असे योगाश्रम समितीतर्फे कळविण्यात आले आहे.