ब्रिटनमधील युद्धसरावात भारत सहभागी होणार नाही

ऑनलाईन टीम / नवी दिल्ली :

रशिया-युक्रेन युद्धाच्या पार्श्वभूमीवर भारतीय हवाई दलाने ब्रिटनमध्ये होणाऱ्या बहुदेशीय युद्ध सरावात (कोब्रा वॉरिअर 2022) सहभागी न होण्याचा निर्णय घेतला आहे. त्यामुळे हवाई दलाची विमाने या हवाई सरावात सहभागी होणार नाहीत. भारतीय हवाई दलाने शनिवारी ट्विट करून यासंदर्भात माहिती दिली.

6 ते 27 मार्च दरम्यान ब्रिटनमधील वॅडिंग्टन येथे कोब्रा वॉरिअर 2022 हा युद्धसराव होणार आहे. हवाई दलाने आपली पाच लढाऊ विमाने या लष्करी सरावात पाठवण्याचा निर्णय घेतला होता. मात्र, आता रशिया आणि युक्रेन युद्धाच्या पार्श्वभूमीवर या युद्धसरावात सामिल न होण्याचा निर्णय भारतीय हवाई दलाने घेतला आहे.