ऑनलाईन टीम / पणजी
आम आदमी पार्टीचे गोवा डेस्क प्रभारी आतिशी यांनी रविवारी भाजपच्या २०२२ च्या निवडणुकीच्या रणनीतीचा पर्दाफाश केला “काँग्रेस आणि भाजपमध्ये सुनियोजित कट आहे. आणि भाजपने काँग्रेसच्या बॅनरखाली सात उमेदवारांना निवडणुकीसाठी उभे केले आणि ते त्यांना आर्थिक मदत करत आहे” असा गंभीर आरोप अतिशी यांनी केला.
भाजप सरकारच्या वाईट कारभारामुळे गोवेकरांचा रोष ओढवला आहे, असे आतिशी म्हणाल्या. शिवाय पक्षाला 40 पैकी 15 मतदारसंघांमध्ये नेहमीच विजय मिळवता आला नाही. त्यामुळे यावेळी सरकार स्थापन करण्यासाठी भाजपने पुन्हा एकदा काँग्रेससोबत हातमिळवणी केली आहे. काँग्रेसच्या तिकिटावर भाजपचे माजी उमेदवार विजयी झाल्यानंतर ते पुन्हा भाजपमध्ये प्रवेश करणार आहेत. यावेळी सरकार स्थापन करण्याचा भाजपचा मास्टर प्लॅन आहे अस अतिशी म्हणाल्या.
“अनेक वर्षांपासून भाजपला 40 पैकी 15 जागा जिंकता आल्या नाहीत. यात सालसेटेमधील आठ जागांचा समावेश आहे. भाजपने आता हे मान्य केले आहे की ते स्वतःहून सरकार स्थापन करू शकत नाहीत, म्हणून त्यांनी त्यांचे सात उमेदवार काँग्रेसकडे पाठवले ,भाजपमधून काँग्रेसचे उमेदवार विजयी होताच भाजपचे माजी नेते पुन्हा भाजपमध्ये सामील होऊन सरकार स्थापन करतील.भाजपच्या विरोधात जोरदार सत्ताविरोधी शक्ती आहे हे यामुळे हे सर्व घडत असल्याच अतिशी म्हणाल्या. “2012 मध्ये भाजपमध्ये सामील झालेले नावेलीचे काँग्रेसचे उमेदवार आवेर्तनो फुर्ताडो यांनी आज काँग्रेसमध्ये प्रवेश केला. त्यांनी अनेक वर्षे मंत्री म्हणून काम केले, तरीही त्यांनी पक्ष बदलले. निवडून आल्यावर ते पुन्हा भाजपमध्ये सामील होतील.काँग्रेस कुडतरीचे उमेदवार मोरेनो रेबेलो यांच्याबाबतही हेच लागू होत अस अस अतिशी यांनी सांगितले.
“काँग्रेसला मतदान करणे म्हणजे भाजपला पाठिंबा देणे, हे आता स्पष्ट झाले आहे. गेल्या दशकात भाजप प्रत्येक क्षेत्रात अपयशी ठरला आहे. सध्याची परिस्थिती पाहता सरकार बनवणे अशक्य झाले आहे, हे त्यांच्या लक्षात आले आहे. “अस आपचे गोवा संयोजक राहुल म्हांबरे म्हणाले.”गोवेकरांनी अशा डावपेचांना बळी पडू नये ,मी प्रत्येकाला आपवर विश्वास ठेवण्यास आणि फरक पाहण्यासाठी प्रोत्साहित करतो” अस ते पुढे म्हणाले.