Tarun Bharat

भाजपने १० वर्षात गोवा चकाचक का नाही केला?, संजय राऊतांचा अमित शाह यांना सवाल

Advertisements

ऑनलाईन टीम/तरुण भारत

गोव्यात गेल्या १० वर्षांपासून सत्ता असताना गोवा चकाचक आणि गोल्डन का केला नाही असा सवाल शिवसेना खासदार संजय राऊत यांनी केंद्रीय गृहमंत्री अमित शाह यांना केला आहे. भाजप नेते अमित शाह यांनी गोव्यात रविवारी प्रचार आणि सभा घेतली होती. यावेळी त्यांनी भाजपसाठी गोवा गोल्डन आणि विकास करण्यासाठी असल्याचे अमित शाह म्हणाले. तर गोवा काँग्रेससाठी सुट्टी एन्जॉय करण्यासाठी असल्याची टीका अमित शाह यांनी केली होती. यावर शिवसेना खासदार संजय राऊत यांनी टीकास्त्र डागलं आहे. तसेच दिल्लीतील नेत्यांना देशाची कामे नसल्यामुळे प्रचारासाठी गोव्यात येतात असा घणाघात राऊत यांनी केला आहे.

दरम्यान संजय राऊतांनी केंद्रीय मंत्री अमित शाह यांच्यावर टीका करताना म्हणाले की, असे गोल्डन सिल्वहर अशा घोषणा देऊन काय गोल्डन होत नाही. मागील १० वर्षांपासून तुमचे राज्य आहे. तेव्हा तुम्ही गोल्डन आणि चकाचक का नाही करु शकला. असे नारेच पश्चिम बंगालमध्ये दिले होते परंतु लोकांनी ते स्वीकारले नाही. गोव्यातील जनतेचा अभ्यास करावा लागतो. त्यांची मानसिकता फार वेगळी असते. आमचे नातेसंबंध चांगले आहेत. आम्ही बांधले गेलेलो आहोत असं संजय राऊतांनी सांगितले.

पुलवामा तुमच्या काळात झाला आहे. त्याला तुम्ही जबाबदार असून तुमचे अपयश आहे हे का सांगत नाही. ३७० कलम रद्द केलं त्याचे आम्ही स्वागत केलं आहे. या देशामध्ये ४ कोटी बेरोजगार नव्याने निर्माण झाले आहेत. गोव्यात जास्त बेरोजगारी आहे. लहान राज्य असून जास्त बेरोजगार आहेत. फक्त आश्वासने देऊन चालणार नाहीत. उत्तर प्रदेश आणि गुजरातमध्ये सर्वाधिक बेरोजगार आहेत. निवडणुका असल्यामुळे फुलबाजे उडवत असता त्याचा लोकांवर आता परिणाम होत नाही असे संजय राऊतांनी सांगितले.

अमित शाह देशाचे गृहमंत्री आहेत. खाण व्यवसाय बंद पडून १० वर्ष होऊन गेले आहेत. त्यांच्या माहितीसाठी सांगतो की, या खाण व्यावसायिकांचे अनेक प्रश्न संसदेत मांडले आहेत. यावर भाजपकडून कोणतेही उत्तर देण्यात आले नाही. केंद्र सरकारने दखल घेतली नाही. केंद्राच्या मंत्र्यांपर्यंत यासाठी गेलो होतो. त्यांनी १० वर्ष का केले नाही असा सवाल संजय राऊत यांनी केला आहे.

Related Stories

बसपाची दहा छोट्या पक्षांसोबत युती

datta jadhav

पंतप्रधान नरेंद्र मोदींची गुरुद्वाराला अचानक भेट

Patil_p

बिहारमध्ये राजकीय भूकंप; चिराग पासवान काकांच्या भेटीला

Abhijeet Shinde

पूर्व अफगाणिस्तानमध्ये 10 तालिबान्यांचा खात्मा

datta jadhav

लाई लामांचे 86 व्या वर्षात पदार्पण

Patil_p

मंत्री जेनिफ्ढर मोन्सेरात यांच्या उपस्थितीत रोजगार विषयावर सीआयआयची बैठक

Omkar B
error: Content is protected !!