Tarun Bharat

भादोले गावात समूह संसर्गाची भीती, आत्तापर्यंत सापडले १५ रुग्ण

Advertisements

प्रतिनिधी / पेठ वडगाव

भादोले ता.हातकणंगले गावात कोरोना बाधितांची संख्या आत्तापर्यंत धरा झाली असून अजूनही काही चाचणी रिपोर्ट प्रलंबित आहेत. भादोलेसारख्या ग्रामीण भागात कोरोनाबाधीतांचा वाढत चाललेल्या रुग्णामुळे भादोले गाव समूह संसर्ग झाल्याची भीती व्यक्त होत असूनहे गाव कोरोना हॉटस्पॉट बनण्याची शक्यताही व्यक्त होत आहे. भादोले ग्रामस्थांनी ही बाब गांभीर्याने घेवून प्रशासनाच्या सूचनांचे पालन करून कोरोना संसर्गापासून वाचण्यासाठी अत्यंत खबरदारी घेण्याची गरज आहे.

हातकणंगले तालुक्यातील भादोले गावात आत्तापर्यंत तब्बल पंधरा कोरोना रुग्ण सापडले आहेत. यामुळे गावात समूह संसर्ग झाल्याची भीती व्यक्त होत आहे. एका डॉक्टरलाच कोरोना झाला तर एका डॉक्टरला दोन वेळा क्वारंटाइन व्हावे लागले. कोरोना संसर्गाच्या भीतीने गावात अनेक खाजगी दवाखाने सध्या बंद असल्याचे चित्र आहे. गावातील दोन संस्थांचे सचिव कोरोनाबाधित झाले आहेत्त. नागरिकांनी कोरोनाची लक्षणे जाणवल्यास गांभीर्याने घ्यावे. सर्दी, ताप, खोकल्याचा त्रास जाणवल्यास तात्काळ भादोलेतील आरोग्य केंद्रात आरोग्य तपासणी व उपचार घेणे गरजेचे आहे. विविध दुकाने, बँका, संस्था, दुध डेअरीमध्ये कोरोना संसर्ग होवू नये यासाठी खबरदारी घेणे गरजेचे आहे.

गावात ग्रामपंचायत प्रशासन विविध पातळ्यावर दक्षता, जनजागृती करत असून खबरदारी घेत आहे मात्र नागरिकांनी विविध स्वयंशिस्त पाळून कोरोना संसर्गापासून दूर राहण्याची व गावात कोरोना संसर्ग पसरू नये यासाठी दक्ष राहण्याची गरज व्यक्त आहे तर जिल्हा प्रशासनाने प्राथमिक आरोग्य केंद्र व ग्रामपंचायत प्रशासन यांना भेट देवून मार्गदर्शन करण्याची गरज आहे.भादोले गावात सध्याची दिवसागणिक कोरोना रुग्णांची वाढत चाललेली संख्या पाहता गाव कोरोना हॉटस्पॉट बनण्याची भीती व्यक्त होत आहे. कोरोना रुग्णांची वाढत चाललेली संख्या संख्या पाहता घर टू घर सर्व्हे करून आरोग्य तपासणी करण्याची गरज व्यक्त होत आहे. तर नागरिक व व्यापारी- व्यावसाईक, शेतकरी यांनी सामाजिक अंतर पाळून खबरदारी घेण्याबाबत ग्रामपंचायत व प्राथमिक आरोग्य केंद्राने गांभीर्याने जनजागृती करण्याची गरज व्यक्त होत आहे.

Related Stories

ग्रामपंचायतीवर भगवा फडकवण्यासाठी सज्ज व्हा : शिवसेना जिल्हाप्रमुख संजय पवार

Abhijeet Shinde

जिल्हय़ात विंचूदंश लसीची उपलब्धता पुरेशी

Patil_p

बँक संपामुळे जिल्हयातील एक हजार कोटीची उलाढाल ठप्प

Sumit Tambekar

हसन मुश्रीफ- पी. एन. पाटील यांची मुंबईत खलबते

Abhijeet Shinde

कोल्हापूर : हेरले येथील धोकादायक पुलाच्या कठड्याकडे सार्वजनिक बांधकाम खात्याचे दुर्लक्ष

Abhijeet Shinde

मौनी विद्यापीठाच्या निवडणुकीचे बिगुल वाजले

Rahul Gadkar
error: Content is protected !!