ऑनलाईन टीम / सिक्कीम :
उत्तर सिक्कीमच्या के नाकू ला सीमेवर तीन दिवसांपूर्वी भारत-चीन सैन्यांत पुन्हा एकदा झटापट झाल्याचे वृत्त समोर आले आहे. एका इंग्रजी वृत्तपत्राने सूत्रांच्या हवाल्याने यासंदर्भात वृत्त दिले आहे.
तीन दिवसांपूर्वी पेट्रोलिंग करणाऱ्या चिनी सैन्यांने भारतीय हद्दीत प्रवेश करण्याचा प्रयत्न केला होता. भारतीय सैन्याने प्रतिकार केला असता दोन्ही सैन्यांत झटापट झाली. या झटापटीत दोन्ही देशांचे काही सैनिक जखमी झाले आहेत. सध्या या ठिकाणची परिस्थिती नियंत्रणात परंतु तणावाची असल्याचे सांगण्यात येते. भारतीय लष्कराकडून यासंदर्भात अद्याप कोणतीही माहिती देण्यात आली नाही.
दरम्यान, एलएसीवरील तणाव कमी करण्यासाठी रविवारी भारत आणि चीनमध्ये कोअर कमांडर स्तरावर 17 तासांची मॅरेथॉन बैठक झाली होती.