Tarun Bharat

भेटवस्तूच्या आमिषाने तब्बल 88 लाखाचा गंडा

प्रेंड रिक्वेस्ट पाठविणाऱया अनोळखीने वृद्धेला ठकविले : प्रकरण उघडकीस आल्यानंतरही भामटय़ाकडून पुन्हा पैसे भरण्यासाठी तगादा

प्रतिनिधी / बेळगाव

‘दुनिया झुकती हैं, झुकानेवाला चाहिये’ असे म्हणतात. जर कोणाला फसविण्याची अक्कल असली तर फसणाऱयांची संख्याही काही कमी नाही. आता तर सोशल मीडियाच्या माध्यमातून मोठय़ा प्रमाणात आर्थिक फसवणुकीच्या घटना घडत आहेत. ‘तुम्हाला किमती भेटवस्तू पाठविली आहे’, असे सांगत बेळगाव येथील वृद्धेला तब्बल 88 लाख रुपयांना गंडविण्यात आले आहे.

या प्रकाराने एकच खळबळ माजली असून यासंबंधी येथील सीईएन पोलीस स्थानकात एफआयआर दाखल करण्यात आला आहे. पोलीस निरीक्षक बी. आर. गड्डेकर व त्यांच्या सहकाऱयांनी या प्रकरणाचा तपास हाती घेतला आहे. लंडनहून किमती भेटवस्तू पाठविल्याचे सांगून मोठी रक्कम हडपण्यात आली आहे. हा फसवणुकीचाच प्रकार आहे हे उघडकीस आल्यानंतरही भामटय़ांनी पुन्हा पैसे भरण्यासाठी तगादा लावला आहे.

सीईएन पोलीस स्थानकात फिर्याद

टिळकवाडी येथील एका वृद्धेने यासंबंधी येथील सीईएन पोलीस स्थानकात फिर्याद दिली आहे. कोटय़वधी रुपयांची भेटवस्तू पाठविण्यात आल्याचे सांगून तब्बल 88 लाख रुपये त्यांच्याकडून उकळण्यात आले आहेत. केवळ चार महिन्यात सोशल मीडियाच्या माध्यमातून हा सारा खेळ खेळला गेला. चार महिन्यांपूर्वी त्या वृद्धेच्या फेसबुक अकौंटवर एक प्रेंड रिक्वेस्ट आली. तिने ती ऍक्सेप्ट केली. त्यानंतर हे फसवणुकीचे नाटय़ सुरू झाले.

आपण लंडनमध्ये प्रसिद्ध डेन्टिस्ट (दंतवैद्य) असल्याचे सांगून भामटय़ाने वृद्धेबरोबर चॅटिंग सुरू केले. एक-दोन दिवसांत मोबाईल क्रमांक मिळविला. त्यानंतर व्हॉट्सऍपवर मेसेज सुरू झाले. या दंतवैद्याने सदर वृद्धेशी भावनिक नाते निर्माण केले. ‘आपण तुमच्यासाठी एक मोठी भेटवस्तू पाठवित आहे. एका कुरिअर कंपनीकडून तुमच्याशी संपर्क केला जाईल. ते सांगतील तसे करा म्हणजे लवकरात लवकर तुमच्या हातात मी पाठविलेली किमती भेटवस्तू पोहोचेल’ असे त्या दंतवैद्याने सांगितले.

27 डिसेंबर 2020 पासून भेटवस्तूचा फंडा सुरू झाला. त्यानंतर 18 जानेवारी 2021 रोजी कुरिअर कंपनीतून बोलते, असे सांगत एका महिलेने वृद्धेशी संपर्क साधला. तुमचे गिफ्ट पोहोचले आहे. त्यासाठी तुम्हाला 35 हजार 500 रुपये भरावे लागतील, असे सांगण्यात आले. त्या वृद्धेने त्वरित त्यांच्या सूचनेचे पालन करून पैसे भरले. त्यानंतर वेगवेगळी कारणे देत पैसे भरण्याच्या सूचना देण्यात आल्या. 35 हजारपासून सव्वासात लाख रुपयांपर्यंत तब्बल वीस वेळा त्यांनी सांगतील त्या खात्यात 88 लाख रुपये जमा करण्यात आले. तरीही किमती भेटवस्तू काही बेळगावला पोहोचली नाही. पुन्हा पैसे भरा, असे त्यांच्या सूचनाही थांबल्या नाहीत.

18 जानेवारी 2021 पासून 23 फेब्रुवारीपर्यंत सातत्याने भामटे सांगतील त्या बँक खात्यात रक्कम जमा करण्यात आली आहे.

इन्कम टॅक्स क्लिअरन्स, आयएमएफ कोड, पर्सनल ऍक्सेस सर्टिफिकेट आदी वेगवेगळय़ा नावाने रक्कम उकळण्यात आली आहे. फेसबुकवरील एका अनोळखी प्रेंड रिक्वेस्टमुळे हा सारा प्रकार घडला आहे. आपण फसलो गेलो हे लक्षात येताच वृद्धेला धक्का बसला आहे.

पैसे पोहोचताच डॉक्टरने बदलले ठिकाण!

तब्बल 88 लाख रुपये वेगवेगळय़ा खात्यात जमा होताच त्या डेन्टिस्टकडून (दंतवैद्य) एक मेसेज येतो, आपण लंडनहून स्कॉटलंडला आल्याचे सांगत आपला मोबाईल क्रमांक बदलल्याचेही त्याने सांगितले व बदललेला क्रमांक त्या वृद्धेला पाठवून दिला. त्यानंतरही पैशासाठी तगादा सुरूच आहे.

Related Stories

‘सशक्त लोकायुक्त’अशक्त बनविण्याचा प्रयत्न

Amit Kulkarni

शहीद जवान पुंडलिक काकतीकर यांच्या स्मृतीदिनानिमित्त अभिवादन

Patil_p

रंगोली संगीत परिवारच्या फेसबुक पेजवर अकॅडमी ऑफ म्युझिकच्या शिष्य-गुरुंचा कार्यक्रम

tarunbharat

पोषक आहार हा आरोग्याचा पाया

Amit Kulkarni

माजी आमदार निशिगंधा मोगल यांची सरस्वती वाचनालयाला भेट

Patil_p

भिऊ नका, घाबरु नका, मरणा अगोदर मरु नका

Patil_p