Tarun Bharat

मंत्रीही खरेदी करतात असे स्टेशनरी दुकान

दिल्लीत राजेंद्र टेडर्स नावाचे एक दुकान अतिशय लोकप्रिय आहे. 61 वर्षांपूर्वी या दुकानाचा प्रारंभ झाला. येथे स्टेशनरी आणि ब्रँडेड पेन्स व लेखण्या मिळतात. ज्या अतिशय प्रसिद्ध आहेत. या दुकानाच्या ग्राहकांमध्ये केंद्रीय मंत्री स्मृती इराणी, उमा भारती, कपिल सिब्बल, नरेंद्र तोमर आणि पंतप्रधान कार्यालयातील अधिकारी व कर्मचाऱयांचा समावेश आहे. या दुकानात स्टेशनरीसंबंधित सर्व वस्तू एकाच छताखाली मिळतात. ब्रँडेड पेन्स ही या दुकानाची विशेषता आहे.

हे दुकान फाळणीच्यावेळी (1947-50) पाकिस्तानातून नेसत्या वस्त्रांनिशी भारतात आलेल्या सुभाष गोगिया यांनी सुरू केले होते. भारतात आल्यानंतर उपजिवीकेसाठी ते व्यवसायाच्या शोधात असताना त्यांना स्टेशनरी विक्रीची कल्पना सुचली. त्यानुसार त्यांनी 1960 मध्ये सुभाष पुस्तक भांडार सुरू केले. त्यावेळी दक्षिण दिल्लीत सर्व लोकप्रिय साहित्यिकांची पुस्तके मिळणारे हे एकमेव दुकान होते. त्यांचे पुत्र राजेंद्र यांनी नंतर दुकानाचे नाव बदलून राजेंद्र टेडर्स केले आणि पुस्तकांबरोबरच स्टेशनरी विकण्याचा व्यवसायही सुरू केला. आज या दुकानाचा विस्तार प्रचंड असून हजारो कायमस्वरुपी ग्राहक त्यांनी मिळविले आहेत. सध्या या दुकानाची मालकी सुभाष गोगिया यांचे नातू पुलकित गोगिया यांच्याकडे आहे. ब्रँडेड पेन हे या दुकानाचे वैशिष्टय़ असून दहा रुपयांपासून 5 हजार रुपयांपर्यंतची पेने एकाच ठिकाणी मिळण्याचे हे एकमेव दुकान मानले जाते.

Related Stories

हरिद्वार धर्म संसदेत प्रक्षोभक भाषण केल्याप्रकरणी यति नरसिंहानंद अटकेत

Archana Banage

सर्वोच्च न्यायालयासमोर योगी सरकारची माघार; कावड यात्रा रद्द

Tousif Mujawar

पाकच्या कबुलीजबाबामुळे काँग्रेसच्या माफीची मागणी

Patil_p

कोरोनाचा आणखी एक बळी; एकाची आत्महत्या

Patil_p

शेतकरी आंदोलनाच्या 100 व्या दिवशी निर्धार व्यक्त

Patil_p

जम्मूतील 10 जिल्हय़ात इंटरनेट सेवा सुरू

Patil_p