ऑनलाईन टीम / ठाणे :
मराठी शुद्धलेखन तज्ज्ञ आणि भाषा अभ्यासक अरुण फडके यांचे आज सकाळी दहा वाजता नाशिक येथे निधन झाले. ते 60 वर्षांचे होते. गेल्या काही दिवसांपासून ते कर्करोगाशी झुंज देत होते. मागील चार-पाच वर्षे ते नाशिक येथे मुक्कामी होते. त्यांच्यामागे पत्नी, मुलगा आणि सून असा परिवार आहे.
अरुण फडके यांच्या जाण्याने मराठी भाषेची मोठी हानी झाली आहे. ‘शुद्धलेखन ठेवा खिशात’ या छोट्या पुस्तिकेद्वारे त्यांनी घराघरात शुद्ध मराठी भाषा पोहोचवल होती. शुद्धलेखन हा आग्रह न होता सवय झाली पाहिजे असे त्यांचे ब्रीदवाक्य होते. त्यांनी लिहिलेली पुस्तके म्हणजे मराठी भाषेसाठी एक अमूल्य ठेवा आहे.
ते मूळचे ठाण्याचे होते. त्यांच्या निधनानंतर सर्वत्र मराठी भाषेवर अप्रतिम प्रेम करणारे गुरुवर्य गेले अशी भावना व्यक्त होत आहे.