- मंगळवारी 4,909 नवे रुग्ण; 120 मृत्यू
ऑनलाईन टीम / मुंबई :
महाराष्ट्रात मागील 24 तासात 6,973 रुग्ण कोरोनामुक्त झाले आहेत. राज्यात आतापर्यंत 15 लाख 31 हजार 277 रुग्ण कोरोनामुक्त झाले असून, त्यांना डिस्चार्ज देण्यात आला आहे. राज्यातील कोरोना रुग्ण बरे होण्याचे प्रमाण सध्या 90.31% आहे.
दरम्यान, मागील 24 तासात राज्यात 4,909 नवे कोरोनाबाधित रुग्ण आढळले. त्यामुळे राज्यातील एकूण कोरोनाबाधितांची संख्या 16 लाख 92 हजार 693 वर पोहचली आहे. सध्या 1 लाख 16 हजार 543 रुग्ण उपचार घेत आहेत. मंगळवारी दिवसभरात 120 कोरोनाबाधितांचा मृत्यू झाला. तर मृतांचा एकूण आकडा 44 हजार 248 एवढा आहे. सध्या राज्यातील मृत्यू दर 2.61 % आहे.
प्रयोगशाळेत आतापर्यंत तपासणीसाठी पाठविण्यात आलेल्या 91 लाख 20 हजार 515 नमुन्यांपैकी 16 लाख 92 हजार 693 रुग्णांचे रिपोर्ट पॉझिटिव्ह आले आहेत. सध्या राज्यात 17 लाख 95 हजार 666 लोक होम क्वारंटाईनमध्ये असून, 11 हजार 969 लोक संस्थात्मक क्वारंटाईनमध्ये आहेत.