मार्केट पोलिसांची कारवाई
प्रतिनिधी /बेळगाव
माळी गल्ली येथील एका मटका अड्डय़ावर छापा टाकुन दोघा जणांना अटक करण्यात आली आहे. शुक्रवारी मार्केट पोलिसांनी ही कारवाई केली असून त्यांच्या जवळून 18 हजार रोख रक्कम व मटक्मयाच्या चिठ्ठय़ा जप्त करण्यात आल्या आहेत.
कायदा व सुव्यवस्था विभागाचे पोलीस उपायुक्त डॉ. विक्रम आमटे यांच्या मार्गदर्शनाखाली मार्केटचे एसीपी सदाशिव कट्टीमनी, मार्केटचे पोलीस निरीक्षक संगमेश शिवयोगी व त्यांच्या सहकाऱयांनी अचानक छापा टाकुन दोघा जणांना अटक केली आहे.
अमजद हजीम पठाण (वय 38, रा. जालगार गल्ली), चंद्रशेखर राजू शेट्टी (वय 49, रा. महाव्दार रोड) अशी त्यांची नावे आहेत. या दोघा जणांवर मार्केट पोलीस स्थानकात कर्नाटक पोलीस कायद्यांतर्गत एफआयआर दाखल करण्यात आला आहे. मटका व जुगारी अड्डय़ांवरील कारवाई पोलिसांनी तीव्र केली आहे.