ऑनलाईन टीम / मुंबई :
अमेरिकेच्या ‘जॉन्सन अँड जॉन्सन’ फार्मा कंपनीने भारतात 12 ते 17 वयोगटातील मुलांवर करोना लसीची चाचणी करण्यासाठी केंद्रीय औषध नियंत्रण मंडळाकडे परवानगी मागितली आहे.
जॉन्सन ऍन्ड जॉन्सनच्या सिंगल डोस लसीला भारत सरकारने 7 ऑगस्ट रोजी आपत्कालीन वापराला परवानगी दिली आहे. ही लस 85 टक्के परिणामकारक ठरल्याचा दावा कंपनीने केला असून, 18 वर्षावरील नागरिकांना ही लस दिली जात आहे. देशातील लहान मुलांचेही लसीकरण लवकरात लवकर व्हावे, यासाठी जॉन्सन अँड जॉन्सनने लहान मुलांवर करोना लसीची चाचणी करण्यासाठी भारत सरकारकडे परवानगी मागितली आहे.