ऑनलाईन टीम / मुंबई :
एसटी महामंडळाचे राज्य सरकारमध्ये विलिनीकरण करावे, या मागणीसाठी राज्यभरात एसटी कर्मचाऱ्यांनी संप पुकारला आहे. हा संप आजही सुरूच आहे. या संपाला पाठींबा देण्यासाठी भाजप नेते किरीट सोमय्या आणि आमदार गोपीचंद पडळकर यांच्या नेतृत्त्वात आज मंत्रालयावर एसटी कर्मचाऱ्यांचा मोर्चा काढण्यात आला. मात्र, हा मोर्चा मंत्रालयावर धडकण्यापूर्वीच पोलिसांनी सोमय्या आणि पडळकरांना ताब्यात घेत अटक केली. त्यांना मरिन ड्राईव्ह पोलीस ठाण्यात नेण्यात आले आहे.
अनेकदा तुरुंगात जाऊ, पण एसटी कर्मचाऱ्यांना न्याय देऊ. कितीही वेळा अटक करा. आम्ही कामगारांना न्याय मिळवून देऊ, असं सोमय्यांनी यावेळी सांगितले. तर दुसरीकडे विधान परिषदेचे विरोधी पक्षनेते प्रवीण दरेकर यांनी आझाद मैदानावर संपातील कर्मचाऱ्यांची भेट घेतली. आम्ही संपातील कर्मचार्‍यांच्या पाठीशी आहोत आता मागे हटणार नसल्याचे म्हटले आहे.