येळ्ळूर ग्राम देवतेची आज पूजा

नवनिर्वाचित सदस्यांच्या उपस्थितीत होणार कार्यक्रम

प्रतिनिधी/ बेळगाव

येळ्ळूरची ग्रामदेवता श्री चांगळेश्वरी मंदिरामध्ये नवनिर्वाचित सदस्यांच्या उपस्थितीत पूजा केली जाणार आहे. शुक्रवारी सायंकाळी 6 वाजता हा कार्यक्रम होणार असून सर्व सदस्यांनी व म. ए. समितीच्या कार्यकर्त्यांनी उपस्थित रहावे, असे आवाहन करण्यात आले आहे.

नुकत्याच झालेल्या ग्राम पंचायत निवडणुकीमध्ये म. ए. समितीला अधिक जागा मिळाल्या आहेत. याचबरोबर समस्त जनतेनेही म. ए. समितीच्या पाठीशी ठाम राहिल्याचे दाखवून दिले आहे. श्री चांगळेश्वरी देवीच्या आशीर्वादानेच हे शक्य झाले आहे. त्यामुळे शुक्रवारी पूजा करण्यात येणार आहे. तरी सर्वांनी उपस्थित रहावे, असे आवाहन म. ए. समितीचे अध्यक्ष शांताराम कुगजी यांनी केले आहे.