नवी दिल्ली / वृत्तसंस्था
कर्जांच्या थकबाकीमुळे संकटात सापडलेल्या येस बँकेचे कामकाज बुधवारपासून पूर्ववत सुरू होणार आहे. मात्र सरकारने या बँकेची कर्जे थकविलेल्या अनेक बडय़ा उद्योगपतींविरोधात कठोर कारवाईचे शस्त्र उगारले आहे. प्रसिद्ध उद्योगपती अनिल अंबानी यांना याप्रकरणी अंमलबजावाणी संचालयालयाने नोटीस पाठविली आहे. उद्योगपती सुभाषचंद्रा यांनाही नोटीस पाठविण्यात आली आहे. अनिल अंबानींची मनी लाँडरिंगप्रकरणीही चौकशी केली जाणार आहे. येस बँकेची थकबाकी साधारणतः दोन लाख कोटींपर्यंत असल्याचे सांगितले जाते. या बँकेने अनिल अंबानींना मोठय़ा प्रमाणात कर्जपुरवठा केल्याची बाब समोर आली आहे.