प्रतिनिधी / दापोली :
दापोलीतील दाविक्षे प्रेस फाउंडेशनच्यावतीने संविधान दिनाचे आयोजन करण्यात आले होते.
यानिमित्त डॉ. बाबासाहेब आंबेडकर व शिवाजी महाराज यांच्या भित्तिचित्राचे अनावरण मान्यवरांच्या हस्ते करण्यात आले. यानंतर झालेल्या कार्यक्रमात निवृत्त कुलगुरू अर्जुन मुरूडकर, अॅड. व्हि. सी. पवार, अॅड. महेश सागवेकर, अॅड. संदेश मोरे यांनी संविधानाबद्दल उपस्थितांना माहिती दिली. तसेच संविधान दिनाचे महत्व विशद केले. यावेळी अॅड. महेंद्र बांद्रे, संस्था अध्यक्ष सोनल तेंडूलकर, जेसीआयचे अध्यक्ष कुणाल मंडलिक, अॅड. शार्दुल दाबके, अॅड. अक्षता जाधव, अॅड. धिरज शेवडे यांच्यासह पत्रकार व अनेक मान्यवर उपस्थित होते. या कार्यक्रमाचे सुत्रसंचालन सुदेश मालवणकर यांनी केले.