ऑनलाईन टीम / नवी दिल्ली :
संसदेच्या हिवाळी अधिवेशनापूर्वी रविवारी (दि. 28) सकाळी 11 वाजता सर्वपक्षीय बैठक होणार आहे. पंतप्रधान मोदीही या बैठकीला उपस्थित राहण्याची शक्यता आहे. या बैठकीत विरोधी पक्षांसोबत संसदेच्या सुरळीत कामकाजावर चर्चा होण्याची शक्यता आहे.
संसदेचे हिवाळी अधिवेशन 29 नोव्हेंबरपासून सुरू होणार असून ते 23 डिसेंबरला संपण्याची शक्यता आहे. अधिवेशनात पंतप्रधान नरेंद्र मोदी यांनी कृषी कायदा मागे घेण्याचा मुद्दा उपस्थित केला जाऊ शकतो. संसदेबाहेर शेतकरी आणि आतील विरोधकही एमएसपी गॅरंटी कायद्याबाबत सरकारला वेठीस धरणार आहेत. दरम्यान, या सर्वपक्षीय बैठकीनंतर रविवारी संध्याकाळी भाजपच्या कार्यकारिणीची बैठक होणार आहे.