ऑनलाईन टीम / जयपूर :
जयपूर विमानतळावरील 14 प्रवाशांकडून जवळपास 32 किलो सोने जप्त करण्यात आले आहे. या सोन्याची किंमत 15.67 कोटी इतकी आहे.
मिळालेल्या माहितीनुसार, संयुक्त अरब अमिराती आणि सौदी अरेबिया मधून शुक्रवारी दोन चार्टर विमानातून आलेल्या प्रवाशांकडून हे सोने जप्त करण्यात आले आहे.
सांगानेर विमानतळावर तैनात सीमा शुल्क विभागाच्या टीमने तपासणी करत असताना हे सोने जप्त केले. सोन्याच्या सळ्या आणि विटा यांना विशिष्ट पद्धतीने आवरणामध्ये बंद करून त्यांना सामानात लपवले होते. अधिकाऱ्यांनी रियाध मधून आलेल्या 11 प्रवाशांकडून 22.65 किलो आणि संयुक्त अरब अमिराती मधून आलेल्या तीन प्रवाशांकडून 9.3 किलो सोने जप्त केले.
सोन्याची पूर्ण किंमत 15.67 कोटी रुपये इतकी आहे. दरम्यान, संबधित प्रवाशांची चौकशी सुरू आहे.