Tarun Bharat

राज्यात उष्माघाताचा आणखी एक बळी

Advertisements

ऑनलाईन टीम / उस्मानाबाद :

राज्यात उष्णतेची लाट असून, मराठवाडय़ातील सर्वच जिल्ह्यात तापमान चाळीशीपार पोहचले आहे. जळगावनंतर आता उस्मानाबादेतही एका शेतकऱ्याचा उष्माघाताने मृत्यू झाला आहे. लिंबराज सुकाळे (वय 50, हसेगाव, ता.कळंब ) असं मृत शेतकऱ्याचं नाव आहे.

लिंबराज सुकाळे हे गुरूवारी दुपारी शेतातील कडबा बांधून झाल्यावर तहान लागल्याने गडबडीत पाणी पिले. पाणी पित असतानाच त्यांना उष्माघाताचा झटका आला. त्यातच त्यांचा मृत्यू झाला. उपचारासाठी त्यांना कळंबमधील शासकीय रुग्णालयात नेण्यात आले. मात्र, त्यांना मृत घोषित करण्यात आलं. उष्माघातामुळे त्यांचा मृत्यू झाला असल्याचं डॉक्टरांनी सांगितलं.

दरम्यान, यापूर्वी जळगावमध्ये एका शेतकऱ्याचा उष्णाघाताने मृत्यू झाला होता. जितेंद्र संजय माळी असं उष्माघाताने मृत्यू झालेल्या 33 वषीय शेतकऱ्याचं नाव आहे. ते जळगाव जिल्ह्याच्या अमळनेर तालुक्यातील मांडळ येथील रहिवासी होते. भर उन्हात शेतातील काम करुन घरी येत असताना उष्माघातामुळे त्यांचा मृत्यू झाला होता.

राजस्थान तसेच गुजरातकडून वाहणाऱ्या अतिउष्ण तसेच कोरड्या वाऱ्यांमुळे राज्यातील उष्णतेच्या लाटेचा मुक्काम 2 एप्रिलपर्यंत राहिल, असा अंदाज वर्तवण्यात आला आहे. त्यानंतरही काही दिवस तापमानातील वाढ कायम राहिल, त्यामुळे नागरिकांनी थेट सूर्यप्रकाशात जाणे टाळावे, शेतकऱ्यांनी जनावरांना सावलीत बांधावे, नवीन लागवड केलेल्या फळ झाडांना सावली, अच्छादन करावे, असे आवाहन मराठवाडा कृषी विद्यापीठाचे मौसम सेवा केंद्रातील प्रमुख प्रकल्प समन्वयक डॉ. के. के. डाखोरे यांनी केले आहे.

Related Stories

गुगलकडून ‘कोरोना वॉरियर्स’ साठी खास डुडल

prashant_c

अमेरिकेत हाहाकार : सलग दुसऱ्या दिवशी 2 हजार लोकांचा मृत्यू

prashant_c

मुंबई पोलिसांची गुजरातमध्ये धडक कारवाई; एक हजार कोटींचे ड्रग्ज जप्त

Abhijeet Shinde

गुन्हेगारी टोळ्यांकडून मिथेनॉलयुक्त सॅनिटायझरची विक्री : CBI

datta jadhav

जगाला आता अँटीमायक्रोबियल रेजिस्टन्सची चिंता

datta jadhav

सातारा : सात जणांचे अहवाल कोरोना पॉझिटिव्ह

Abhijeet Shinde
error: Content is protected !!