बेळगाव : रिमझिम पावसातही रास दांडियामध्ये पारंपरिक गुजराथी गाण्यांवर तरुणाई थिरकत होती. गोमटेश विद्यापीठाच्या मैदानावर सुरू असलेल्या रास दांडियाला उत्स्फूर्त प्रतिसाद मिळत असून पारंपरिक वेश परिधान करून तरुण-तरुणी गरब्याचा आनंद घेत आहेत.
विविध संघटनांच्या सहयोगाने गोमटेश विद्यापीठाच्या मैदानावर दांडियाचे आयोजन केले आहे. येथे दांडियासोबतच आकर्षक असे सेल्फी पॉईंट तयार केले असून या ठिकाणी सेल्फी काढण्यासाठी गर्दी होत आहे. उत्कृष्ट दांडिया खेळणाऱयांना पारितोषिक दिले जाणार असल्याने रंगतदार स्पर्धा पाहायला मिळत आहे. एकीकडे रिमझिम पाऊस सुरू असताना दुसरीकडे तरुणाईचा उत्साह दिसून आला.