प्रतिनिधी/इस्लामपूर
वाळवा तालुक्यातील रेठरेधरण येथील शिवारात रविवार सकाळी नर जातीचा बिबट्या मृतावस्थेत आढळून आला आहे. तालुक्यात गेल्या दोन वर्षात पाच बिबट्यांचे मृत्यू झाले आहेत. माहिती मिळताच वन विभागाचे अधिकारी पथकासह घटनास्थळी दाखल झाले.
शवविच्छेदनानंतरच या बिबट्याचा मृत्यू कशामुळे झाला हे स्पष्ट होईल. यापूर्वी तालुक्यात चार बिबट्यांचा महामार्ग ओलांडताना तसेच
अन्य ठिकाणी रस्ता ओलांडताना वाहनांच्या धडकेत मृत्यू झाले आहेत. तालुक्यातील कासेगावातील पश्चिम भाग, काळमवाडी, केदारवाडी, नेर्ले, तांबवे, वाटेगाव या भागात वेळोवेळी बिबट्याचे दर्शन झाले आहे.