Tarun Bharat

लंका प्रीमियर लीगमध्ये इरफान पठाण खेळणार

Advertisements

वृत्तसंस्था/मुंबई

श्रीलंकन भूमीत प्रथमच लंका प्रीमियर लीग क्रिकेट स्पर्धा घेतली जाणार असून या स्पर्धेत भारताचा माजी अष्टपैलू इरफान पठाण सहभागी होणार आहे. स्पर्धेत 70 विदेशी क्रिकेटपटू सहभागी होणार असल्याचे स्पर्धा आयोजकांनी सांगितले. सदर स्पर्धा 28 ऑगस्टपासून कोलंबोत खेळविली जाईल.

गेल्या जानेवारीत इरफान पठाणने क्रिकेटमधील आपली निवृत्ती जाहीर केली होती. लंका प्रीमियर लीग स्पर्धेत सहभागी होणाऱया पाच संघांच्या फ्रँचायजीमध्ये इरफान पठाणला खेळविण्यासाठी प्रयत्न चालू आहेत. या स्पर्धेला लंकन शासनाकडून लवकरच अधिकृत परवानगी मिळेल, अशी आशा विविध संघांच्या फ्रँचायजींनी व्यक्त केली आहे. या स्पर्धेत कोलंबो, कँडी, गॅले, डंबुला आणि जाफना हे पाच संघ सहभागी होत आहेत.

विदेशातील टी-20 लीग स्पर्धेत भारतीय क्रिकेटपटूंना सहभागी होण्यासाठी भारतीय क्रिकेट मंडळाकडून परवानगी मिळणे जरुरी आहे. दरम्यान, पठाणने यापूर्वीच क्रिकेटमधून आपली निवृत्ती जाहीर केल्याने त्याला लंकेतील या स्पर्धेत खेळण्यास बीसीसीआयकडून संमती मिळेल, असे समजते. लंकेचा माजी अष्टपैलू महारुफने या स्पर्धेसाठी पठाणला ऑफर दिली आहे. सदर स्पर्धेमध्ये एकूण 23 सामने खेळविले जातील. हे सामने चार आंतरराष्ट्रीय स्टेडियमवर होणार आहेत. गेल्या वर्षी अबुधाबीत झालेल्या टी-10 लीग क्रिकेट स्पर्धेत भारताचा माजी अष्टपैलू युवराज सिंगने मराठा अरेबियन्स संघाचे प्रतिनिधित्व केले होते.

Related Stories

तिसऱया लढतीसाठी रणनीतीत बदल नाही : एल्गार

Patil_p

जिम्नॅस्टिक्समध्ये इस्त्रायल प्रथमच सुवर्णविजेते

Patil_p

भारताचा पाकवर रोमांचक विजय

Patil_p

सौरभ गांगुलीवर नव्याने अँजिओप्लॅस्टी, प्रकृती ‘स्थिर’

Amit Kulkarni

स्वायटेक अंतिम, सिलिक, रूड उपांत्य फेरीत

Amit Kulkarni

टोकियोत सिंधू सुवर्ण जिंकू शकेल – गोपीचंद

Patil_p
error: Content is protected !!