ऑनलाईन टीम / बीड :
लातूर-अंबाजोगाई रस्त्यावर बर्दापूरजवळ आज सकाळी आठच्या सुमारास बस आणि ट्रकचा भीषण अपघात झाला. यात 6 जणांचा जागीच मृत्यू झाला. तर आठ जण जखमी झाले आहेत. जखमींवर अंबाजोगाईच्या स्वाराती रुग्णालयात उपचार सुरू आहेत.
मिळालेल्या माहितीनुसार, आज सकाळी लातूर-औरंगाबाद ही बस लातूरमधून निघाली होती तर प्लास्टिक पाईप घेऊन जाणारा ट्रक हा आंबेजोगाईहून लातूरकडे जात होता. बर्दापूरजवळ नंदगेपाल डेअरीजवळ एका वळणावर बस आणि ट्रकची समोरासमोर जोरदार धडक झाली. या भीषण अपघातात सहा जणांचा जागीच मृत्यू झाला. तर 8 जण जखमी झाले आहेत. हा अपघात नेमका कशामुळे झाला हे अद्याप समजू शकले नाही.
सविस्तर वृत्त लवकरच…