एपीएमसी पोलीस स्थानकात एफआयआर
प्रतिनिधी / बेळगाव
वैभवनगर जवळील लालबहाद्दुर शास्रीनगर येथील एक रहिवासी गेल्या सहा महिन्यांपासून बेपत्ता झाला आहे. यासंबंधी त्याच्या मुलाने एपीएमसी पोलीस स्थानकात फिर्याद दिली असून पोलीस त्याचा शोध घेत आहेत.
तुकाराम मारुती सुतार (वय 56) असे त्याचे नाव आहे. दि. 20 मार्च रोजी सकाळी 7 वाजता तुकाराम आपल्या घराबाहेर पडला आहे. त्याला दारुचे व्यसन जडले असून दोन ते तीन महिन्यांतून एकदा घर सोडून जातो. जातो तसा परतही येतो. म्हणून कुटुंबियांनी उशीरा फिर्याद दाखल केली आहे.
5 फूट उंची. गहू वर्ण, अंगाने सुदृढ असे त्याचे वर्णन आहे. घराबाहेर पडताना त्याने आपल्या अंगावर पांढरा शर्ट व काळी पॅन्ट परिधान केला असून तुकाराम कन्नड, मराठी,हिंदी भाषा बोलतो. तुकाराम विषयी कोणाला माहिती मिळाल्यास एपीएमसी पोलीस स्थानकाशी 0831-2405250 या क्रमांकावर संपर्क साधण्याचे आवाहन करण्यात आले आहे.