वार्ताहर / लोणंद :
अवैध गुटख्याचा साठा केल्याप्रकरणी लोणंद पोलीस व अन्न औषध प्रशासनाने टाकलेल्या छाप्यात 1 लाख 86 हजार रूपये किंमतीचा गुटखा साठा जप्त करुन, एकास ताब्यात घेण्यात आले.
याबाबत लोणंद पोलीस स्टेशनवरुन मिळालेली माहिती अशी, शुक्रवारी लोणंद येथील गोटेमाळ परिसरात एका ठिकाणी अवैधरीत्या गुटख्याचा साठा केला असल्याची माहीती लोणंद पोलीस स्टेशनचे सहाय्यक पोलीस निरिक्षक विशाल के.वायकर यांना मिळाली. त्यानुसार अन्न व औषध प्रशासन विभाग आणि लोणंद पोलिसांच्या टीमने छापा टाकत बंदी असलेले विमल, आर.एम.डी. व हिरा कंपनीचा 1 लाख 86 हजार रुपये किंमतीचा गुटखा जप्त करुन कारवाई करून सागर नाथाजी शिंदे रा लोणंद ता खंडाळा या आरोपीस ताब्यात घेतले. पुढील तपास म.पो.उनि. स्वाती पवार करीत
आहेत.