कागल / प्रतिनिधी
आपल्या प्रेयसीला खुश करण्यासाठी व तिच्याबरोबर पळून जाण्यासाठी मावशीच्याच घराची घरफोडी केली होती. संशयित गव्हाच्या पोत्यात झाकून ३५ ग्रॅम सोन्याचे दागिने व रोख वीस हजार रुपये घेऊन पळून गेला. कागल पोलीसांनी आरोपीस २४ तासाच्या आत अटक करून चोरीस गेलेले दागिने व रोख रक्कम हस्तगत केले होते. आज हा हस्तगत चोरीचा माल, रोख रक्कम संबंधित महिलेला परत करण्यात आले.
उपविभागीय पोलीस अधिकारी डॉ. प्रशांत अमृतकर, पोलिस निरीक्षक दत्तात्रय नाळे यांच्या हस्ते ते देण्यात आले.