विना मास्क रस्त्यावर दिसाल तर कडक कारवाई
प्रतिनिधी / कडेगाव
कडेगांव तालुक्यात काल पासुन विकेंड लॉकडाऊनला सुरवात झाली आहे. शुक्रवारी संध्याकाळी ८ वाजल्या पासुन ते सोमवार सकाळी ७ वाजेपर्यंत संपुर्ण संचारबंदी आहे.या कालावधीत अनावश्यक कुणीही नागरीकांनी घरा बाहेर पडू नये. रस्त्यावर फिरताना आढळले आहेत. त्यांच्यावर दंडात्मक कारवाई केली आहे. त्याच बरोबर मोकाट विना मास्क फिरणाऱ्या वर फौजदारी गुन्हा दाखल होऊ शकतो. व चौका चौकात युवक रात्रीच्यावेळी जमलेले असतात तसे दिसल्यास दंडात्मक कारवाई केली जाईल व फौजदारी गुन्हा दाखल केला जाईल तरी तालुक्यातील सर्व नागरीकांनी कोरोना प्रादुर्भाव रोखण्यासाठी प्रशासनाला सहकार्य करावे असे आवाहन प्रांताधिकारी डॉ गणेश मरकड यांनी केले आहे.
त्याचबरोबर तोंडाला मास्क असणे अत्यंत आवश्यक आहे. मास्क लावले नसल्याचे आढळल्यास ५०० दंड केला जाईल व त्या व्यक्तीवर फौजदारी गुन्हा दाखल केला जाईल. ज्या नागरीकांचे वय ४५ पेक्षा जास्त त्या नागरीकांनी नजीकच्या लसिकरण केंद्रात व ग्रामिण रूग्णालयात जाऊन कोव्हीड 19 लसिकरण करून घ्यावे असेही प्रांताधिकारी डॉ. गणेश मरकड यांनी सांगितले यावेळी एस टी स्टॅण्ड परिसरातील छत्रपती संभाजी महाराज चौकात कडेगांव पोलिस स्टेशनचे पोलिस निरीक्षक पी बी भोपळे यांच्या मार्गदर्शनाखाली सहाय्यक पोलीस निरीक्षक संदिप साळुंखे, उपसहाय्यक पोलिस निरीक्षक जालिंदर जाधव यांनी विक अॅंड लाॅकडाऊनच्या अंमलबजावणीसाठी कडक पोलिस बंदोबस्त तैनात करण्यात आला होता. एकुणच कडेगांव शहरात व मुख्य बाजारपेठेतील अत्यावश्यक दुकान सोडून संपुर्ण बाजारपेठेत शुकशुकाट होता.