Tarun Bharat

विजय मल्ल्याच्या मुंबईतील ‘किंगफिशर हाऊस’चा अखेर लिलाव

Advertisements

ऑनलाईन टीम

भारतातील विविध १७ बँकांचे ९००० कोटी रुपयांहून अधिक कर्ज थकवून फरार झालेल्या उद्योगपती विजय मल्ल्याच्या मुंबईतील संपत्तीचा अखेर लिलाव करण्यात आला. मल्ल्याची मालकी असलेले किंगफिशर एअरलाइन्स लिमिटेडचे मुंबईतील मुख्यालय म्हणजेच किंगफिशर हाऊस लिलावात विकले गेले आहे. हे घर हैदराबादस्थित सॅटर्न रियल्टर्सने ५२.२५ कोटी रुपयांना विकत घेतले आहे.

२०१९ मध्ये मुंबईतील सांताक्रूझ येथील छत्रपती शिवाजी महाराज आंतरराष्ट्रीय विमानतळाजवळील किंगफिशर हाऊसचा आठव्यांदा लिलाव करण्यात आला होता. पण त्याला कोणीच घेतलं नाही. त्याची ओरिजनल किंमत १५० कोटी होती. डेट रिकव्हरी टर्ब्युनलकडून त्या घराचा लिलाव करण्यात आला होता.

आतापर्यंत माल्याची प्रॉपर्टी विकून ७५२० कोटी रुपये वसूल करण्यात आले आहेत. दरम्यान, बँकांच्या एका संघाचे माल्याकडे एकूण १० हजार कोटी रुपये थकीत आहेत. या संघाची प्रमुख बँक स्टेट बँक ऑफ इंडिया आहे. लंडन हायकोर्टाने जुलै महिन्यात दिवाळखोर घोषित केलं होतं. त्यामुळे भारतातील बँका त्याच्या संपत्तीवर कब्जा करू शकतात तसेच त्या विकून त्यांचे पैसे वसूल करू शकतात. विजय मल्ल्या सध्या ब्रिटनमध्ये असून त्याच्या प्रत्यार्पणासाठीही भारताकडून प्रयत्न सुरू आहेत.

Related Stories

आयएसआय एजंटला बेंगळूरमध्ये अटक

Patil_p

कोल्हापूर : जुगार अड्यावर छापा, 11 लाख 43 हजाराचा मुद्देमाल जप्त

Abhijeet Shinde

सावित्राबाई फुले पुणे विद्यापीठात अथर्वशीर्ष अभ्यासक्रम सुरु ; तर अनेकांचा विरोध

Abhijeet Shinde

पेगॅससने नाही तर मग देशात येऊन कुणी हेरगिरी केली- नवाब मलिक

Abhijeet Shinde

“कसं काय शेलार बरं हाय का?”, भाजप कार्यालयासमोर शिवसेनेची पोस्टरबाजी

Abhijeet Shinde

चिंताजनक : महाराष्ट्रातील कोरोनाग्रस्तांनी ओलांडला 10 लाखांचा टप्पा

Rohan_P
error: Content is protected !!