कोल्हापूर/प्रतिनिधी
शासकीय यंत्रणेचा वापर करून मंत्री मुश्रीफ यांनी पंधराशे कोटीचा भ्रष्टाचार केल्याचा गंभीर आरोप सोमय्या यांनी केला आहे. मुरगूड पोलिस ठाण्यामध्ये तक्रार दाखल केल्यानंतर ते प्रसारमाध्यमांशी बोलत होते. पुढच्या आठवड्यामध्ये राज्यपालांना मुंबईमध्ये भेटणार असून मानवाधिकार आयोगाकडे ही तक्रार करणार आहे असे त्यांनी सांगितले. संताजी घोरपडे साखर कारखाना आणि गडिंग्लज कारखाना संदर्भात सोमय्यायांनी दुपारी सव्वा दोन वाजता मुरगूड येथे जाऊन मुश्रीफ यांच्या विरोधात तक्रार दाखल केली. सकाळी अंबाबाईचे दर्शन घेऊन त्यांचा हा दौरा सुरू झाला आहे. या दौर्‍यात त्यांच्यासोबत भाजपचे प्रदेश कार्यकारिणी सदस्य महेश जाधव यांच्यासह भाजपचे पदाधिकारी सहभागी ले आहेत.