प्रतिनिधी /पणजी
गोवा शांलात मंडळाने 2020-21 सालच्या घोषित केलेल्या दहावी च्या निकालानुसार डिचोली तालुक्यातील खोलपेवाडी साळ येथील शिवाजीराजे माध्यमिक विद्यालयाचा शंभर टक्के निकाल लागला असून ग्रामीण भागात असूनही या विद्यालयाने आपली अज्वलतेची परंपरा कायम राखली आहे. कु. हनुमंत तुकाराम पेडणेकर यांने 91 टक्के (546) गुण मिळवून विद्यालयात प्रथम क्रमांक मिळवला. जय शिवराम नाईक याने 89.83 (539) गुण मिळवून द्वितीय क्रमांक, वैष्णवी राजेश प्रसादी हिने 89.50 टक्के (537) गुण मिळवून तृतीय तर गोपीनाथ सुनिल सांबारी याने 89.17 टक्के (535) गुण मिळवून चौथा क्रमांक मिळवला.
या विद्यालयातून एकुण 98 विद्यार्थी दहावीला होते. यात विशेष श्रेणीत 29 प्रथम श्रेणीत 32, द्वितीय श्रेणीत 33 तर पास श्रेणीत 4 विद्यार्थी उत्तीर्ण झाले तसेच इंग्लिश मध्ये 19, हिंदीमध्ये 44 मराठीत 36, गणितामध्ये 22, विज्ञानात 38, समाजशास्त्रामध्ये 21 विद्यार्थ्यंनी विशेष श्रेणीत गुण प्राप्त केले. लॅवेनिया लोबो, दिलीप देसाई, सुकन्या केणी, रुद्रेश नाईक, बाळकृष्ण गवस, शैलेश राऊत, शरदचंद्र गावस व मुख्याध्यापक नागनाथ गोसावी यांनी विशेष श्रम घेतले. हायस्कुलची चेअरमन व संस्थेचे संस्थापक पांडुरंग दत्ताराम राऊत, मुख्याध्यापक नागनाथ गोसावी, पालक शिक्षक संघाचे अध्यक्ष, विद्यालयाची व्यवस्थापन समिती, व्यवस्थापक दत्ताराम पां. राऊत, शिक्षक व शिक्षकेतर कर्मचारी यांनी सर्व विद्यार्थ्यांचे अभिनंदन केले.