वृत्त संस्था/ अबु धाबी
अबु धाबीच्या शेख झायेद स्टेडियमची खेळपट्टी तयार करणारे मुख्य क्युरेटर मोहन सिंग यांचे रविवारी निधन झाले. मोहन सिंग हे मोहालीचे रहिवासी होते. रविवारच्या अफगाण-न्यूझीलंड सामन्यासाठी या स्टेडियमची खेळपट्टी मोहन सिंग यांनी तयार केली होती.
2004 सप्टेंबरमध्ये मोहन सिंग यांचे अबु धाबीत आगमन झाले. पंजाब क्रिकेट संघटनेच्या मोहालीतील स्टेडियमची खेळपट्टी मोहन सिंग यांनी बनविली आहे. 1994 पासून ते पंजाब क्रिकेट संघटनेमध्ये मैदान आणि खेळपट्टी सुपरवायझर म्हणून कार्यरत होते. न्युझीलंड आणि अफगाण यांच्यातील रविवारचा सामना सुरू होण्यापूर्वी क्युरेटर मोहन सिंग आपल्या खोलीमध्ये मृतावस्थेत आढळले.