सर्व्हिस रोडवरील त्या चेंबरची अखेर दुरुस्ती

तरुण भारत वृत्ताची दखल, जनतेतून समाधान

प्रतिनिधी /बेळगाव

पुणे-बेंगळूर राष्ट्रीय महामार्गाजवळील सर्व्हिस रोडवर चेंबर खुला ठेवण्यात आला होता. तब्बल 20 फूट खोलीचा हा चेंबर असल्यामुळे धोकादायक होता. त्या चेंबरची दुरुस्ती करावी, अशी मागणी शेतकरी तसेच नागरिकांतून करण्यात आली होती. याबाबत ‘तरुण भारत’मधून वृत्त प्रसिद्ध झाले. त्यानंतर तातडीने या चेंबरची दुरुस्ती करण्यात आली. यामुळे जनतेतून समाधान व्यक्त होत आहे.

सर्व्हिस रस्त्याला लागून असलेल्या काका कंपाऊंडपासून जवळच हा चेंबर होता. तो चेंबर बऱयाच दिवसांपासून उघडाच होता. त्या सर्व्हिस रस्त्यावरून शेतकरी तसेच इतर नागरिक आणि वाहनचालक ये-जा करत होते. रात्रीच्यावेळी येथे अपघात घडण्याची शक्मयता होती. त्यामुळे त्याची दुरुस्ती करावी, अशी मागणी वारंवार करण्यात आली. मात्र त्याकडे दुर्लक्ष कले होते. वृत्त प्रसिद्ध होताच तातडीने त्याची दुरुस्ती करण्यात आली.