Tarun Bharat

सहकारी संस्थांनी मुख्यमंत्री सहाय्यता निधीस मदतीसाठी पुढे यावे : बाळासाहेब पाटील

Advertisements

प्रतिनिधी / सातारा
राज्यात कोरोना संसर्गाचे रुग्ण दिवसेंदिवस वाढत आहे. या आपत्तीचे संकट दूर करण्यासाठी राज्यातील सहकारी संस्थांनी मदतीसाठी पुढे येऊन जास्तीत जास्त निधी मुख्यमंत्री सहाय्यता निधीला देवून सहकार्य करावे, असे आवाहन सहकार व पणनमंत्री बाळासाहेब पाटील यांनी आज केले.
राज्यात कोरोना संसर्गाचे रुग्ण दिवसेंदिवस वाढत आहे. याचा परिणाम म्हणून जगाची अर्थिक व्यवस्था कोलमडली आहे. देशातही सर्वत्र उत्पादकता थांबली आहे, उद्योग बंद आहेत, लहान व्यवसायांवर गंडांतर आले आहे. यापूर्वी महाराष्ट्रात आलेल्या आपत्कालीन परिस्थितीमध्ये विविध सहकारी संस्था, स्वयंसेवकांनी तसेच दानशूर व्यक्तींनी मोठ्या प्रमाणात मदत केली आहे हा आपल्या महाराष्ट्राचा इतिहास आहे.
पतसंस्था, बँका, सहकारी साखर कारखाने, सूतगिरणी, दूध संघ, ऑईल मिल यांच्या माध्यमांतून महाराष्ट्रात सहकाराच्या माध्यमातून अनेकांच्या जीवनात अर्थिक परिवर्तन घडले आहे. राज्यात 475 नागरी बँका, 13 हजार 559 नागरी पतसंस्था, सात हजार 253 कर्मचारी पतसंस्था, 21 हजार 425 विकास सोसायटी, 95 हजार 468 सहकारी गृहनिर्माण संस्था, 215 साखर कारखाने, 67 सहकारी दूध संघ आहेत. इतक्या संस्थांद्वारे सहकाराचे जाळे राज्यभर पसरले आहे. सहकार कायद्यातही संस्थेच्या नफ्याच्या किती टक्के रक्कम मदत करावी, याची तरतूद आहे. तरी राज्यातील सहकारी संस्थांनी मुख्यमंत्री सहाय्यता निधीला मोठ्या प्रमाणत मदत करुन शासनाला सहकार्य करावे, असे आवाहनही सहकार व पणनमंत्री पाटील यांनी केले आहे.

Related Stories

स्वच्छाग्रही करणार कोरोना प्रबोधनाचे काम

Patil_p

गृहराज्यमंत्र्यांच्या तालुक्यात भर पावसात कारपेटचे काम

datta jadhav

बारामतीत सूर्य पश्चिमेकडे उगवेल; पण पवारांना…; जयंत पाटलांकडून भाजपचा समाचार

Abhijeet Shinde

चंदूरमध्ये युवकाची आत्महत्त्या

Abhijeet Shinde

साताऱयात वृध्दास लुटणाऱया दोघांना अटक

Amit Kulkarni

एच. के. पाटील काय म्हणतात त्यालाच आम्ही महत्व देतो; प्रफुल्ल पटेलांचा पटोलेंना टोला

Abhijeet Shinde
error: Content is protected !!