Tarun Bharat

सांगलीतील आणखी 46 एसटी कर्मचार्‍यांना कोरोना बाधा

Advertisements

प्रतिनिधी / सांगली

कोरोनाच्या पार्श्वभूमीवर मुंबईतील “बेस्ट’ च्या प्रवासी सेवेसाठी सांगली विभागातून 425 जणांची पहिली तुकडी 10 ऑक्टोबरला गेली होती. ही पहिली तुकडी 23 ऑक्टोबरला परतली. त्यांची कोरोना तपासणी करण्यात आली होती. त्यामध्ये तब्बल 127 जण कोरोनाबाधित आढळले.

त्यामुळे दुसरी तुकडी परत बोलावण्यात आली. त्यामुळे सांगली आगारातील कर्मचारी व गाड्यांची सेवा 31 ऑक्टोबरपासून स्थगित केल्याचे जाहीर केले. त्यानंतर टप्प्याटप्प्याने जिल्ह्यात परतलेल्या 400 जणांपैकी तीनशे जणांची कोरोना निदान चाचणी करण्यात आली. त्यामध्ये 46 जण कोरोना बाधित असल्याचे स्पष्ट झाले आहे.

सांगलीतील 40 जणांचा तपासणी अहवाल प्रलंबित आहे. तसेच इस्लामपुरातील 48 जणांची तपासणीच झालेली नाही. त्यांना स्वतःच चाचणी करून घेण्यास अधिकार्‍यांनी सांगितले आहे. त्यामुळे अजूनही शंभर जणांचा अहवाल प्रलंबित आहे. एसटीच्या पहिल्या तुकडीतील 127 आणि दुसऱ्या तुकडीतील आज अखेरचे 46 कर्मचारी कोरोना बाधित झाले आहेत. सुमारे 173 कर्मचारी बाधित असल्याचे स्पष्ट झाले आहे.

आगारनिहाय बाधित कर्मचारी- तासगाव 9, शिराळा 5, विटा 9, जत 8, मिरज 6, पलूस 1 व कवठेमहांकाळ 8 याप्रमाणे 46 जण बाधित असल्याचे आढळून आले आहेत.

Related Stories

राज्य सरकारने राष्ट्रपती राजवटीची वेळ आणू नये

Archana Banage

गव्याने बंद पाडला सांगलीचा बाजार

Archana Banage

एकरकमी एफआरपी शिवाय कारखाने चालू देणार नाही

Kalyani Amanagi

जतमध्ये बंधाऱ्यात बुडून चौदा वर्षीय मुलाचा मृत्यू

Archana Banage

सांगली : आटपाडी पोलीस ठाण्याला नवी इमारत : प्रस्ताव पाठविण्याचे गृह राज्यमंत्री यांचे निर्देश

Archana Banage

आत्महत्येचे प्रकरण मयत व्यक्तीवरच उलटले

Archana Banage
error: Content is protected !!