प्रतिनिधी / सांगली
सांगलीत शहरात व जिल्ह्यात कोरोनाची भयप्रद आकडेवारी लक्षात घेवून लॉकडाऊन व संचारबंदीची कडक अंमलबजावणी सुरु केली आहे. जिल्हा पोलीस प्रमुख दिक्षित गेडाम स्वतः मैदानात उतरले आहेत. शहरात शुकशुकाट आहे.
जिल्ह्यात बुधवारी 1873 जणांना लागण व 44 जणांचे कोरोना बळी गेलेत. ही स्थिती रोज वाढत आहे. या पाश्वभूमीवर पोलीस व प्रशासन अॅक्शन मोडवर आहे. सकाळी फिरायला जाण्याचा प्रयत्न करणार्‍यांपासून गळ्यात मास्क बांधून सुसाट असणार्‍या बेजबाबदार नागरिकांना शिक्षा त्याचबरोबर दंड करायला पोलिसांनी कायद्याचा हातोडा उचलला आहे. शहरात आज ठिकठिकाणी शुकशुकाट आहे. सांगलीच्या मध्यवर्ती बसस्थानकात तर चिटपाखरूही नाहीय. पालकमंत्र्यानी जीवनावष्यक वस्तूंपेक्षा जीव महत्त्वाचा, घर सोडू नका, असे अवाहन केले आहे.