वार्ताहर / बागणी
बागणी येथील जेष्ठ साहित्यीका, विचारवंत डॉ. सरोजिनी बाबर यांची जयंती व पत्रकार दिनानिमित्त पत्रकार सत्कार समारंभ आयोजित केला होता. लोकनियुक्त सरपंच संतोष घनवट,उपसरपंच विष्णू किरतसिंग,विवेक दाभोळे, सतीश काईत, अल्लाउद्दीन चौगले, रमेश पाटील, अरुण साखरे, ग्रामसेवक नानासो कारंडे यांच्या हस्ते प्रतिमेस पुष्पहार अर्पण करून साजरी करण्यात आली.
यावेळी सरपंच घनवट म्हणाले ग्रामपंचायतीच्या वतीने डॉ. सरोजिनी बाबर यांचा जन्मदिवस लोकसाहित्य दिन म्हणून जाहीर करावा व डॉ. त्यांच्या स्मरणार्थ राज्य पुरस्कार देणे बाबत व त्यांचे साहित्य पुनप्रकाशित करण्यात यावा अशी मागणी जिल्हा अधिकारी यांना निवेदन देऊन करण्यात येणार आहे.
यावेळी सिकंदर कराडकर, मारुती बामणे, महादेव पाटील, सतीश थोरात, वैभव पाटील, हैदर नायकवडी, बबन पाटील, अमोल सावंत, कयुम चौगले, काकासो आवटी, प्रकाश नगारे, आनंदराव यादव यांच्यासह ग्रामस्थ उपस्थित होते.