Tarun Bharat

सांगली : मिरजेत जुगार अड्डयावर छापा, सात जणांना अटक

Advertisements

स्थानिक गुन्हा अन्वेषणची कारवाई, 28 हजारांचा मुद्देमाल जप्त

प्रतिनिधी / मिरज

मिरज शहरातील स्टँड परिसरात एका बिल्डिंगच्या पहिल्या मजल्यावर सुरू असलेल्या तीनपानी जुगार अड्डयावर बुधवारी स्थानिक गुन्हा अन्वेषण शाखेच्या पोलिसांनी छापा टाकून 7 जणांना अटक केली. या जुगाऱ्यांकडून 28 हजार, पाचशे रुपयांचा मुद्देमाल जप्त करण्यात आला आहे.

अटक करण्यात आलेल्यांमध्ये जुगार अड्डा चालक अस्लम निजामुद्दीन शेख (वय 32, रा. मंगळवार पेठ), असलम महंमद चाबुकस्वार (वय 25, रा. सौदागर गल्ली), जावेद बशीर मकानदार (वय 23, रा. भाऊराव चौक), ख्रिजार आयुब पठाण (वय 25, रा. वेताळनगर, मेंढे कॉलनी), इर्शाद रफिक शेख( वय 27, रा. मोमीन गल्ली), मुदस्सर झाकीर निकडे (वय 25, रा. गुरुवार पेठ, निकडे गल्ली) आणि मोहसीन निसार कुरुंदवाडे (वय 30, रा. ख्वाजा वसाहत झोपडपट्टी) यांचा समावेश आहे.

मिरज ग्रामीण एसटी स्थानका शेजारी अक्षय हॉटेलजवळ कादरी हॉस्पिटलच्या समोरील एका बिल्डिंगमध्ये पहिल्या मजल्यावर अस्लम शेख हा तीनपानी जुगार अड्डा चालवीत असल्याची माहिती स्थानिक गुन्हा अन्वेषणचे पोलीस निरीक्षक सर्जेराव गायकवाड यांना मिळाली होती. त्यानुसार स्थानिक गुन्हा शाखेच्या पोलीस पथकाने तेथे छापा टाकला असता वरील सातजण जुगार खेळत असताना मिळून आले. पोलिसांनी सर्वांना अटक केली. त्यांच्याकडून पत्त्याची पाने आणि रोख रक्कम असा 28 हजार पाचशे रुपयांचा मुद्देमाल जप्त केला.

Related Stories

मुख्याधिकारी कार्यपध्दती निषेधार्थ उद्या इस्लामपूर बंद

Abhijeet Khandekar

महाविकास आघाडी एकत्र लढणार- बाळासाहेब थोरात

Abhijeet Khandekar

खासगी सावकार धुमाळ टोळी सांगली जिल्ह्यातून तडीपार

Abhijeet Khandekar

विटा शहरावर आता ‘ड्रोन कॅमेऱ्याची’ची नजर

Archana Banage

मिरजेत मनपा विरोधात आम आदमी पार्टीचे धरणे आंदोलन

Abhijeet Khandekar

कुपवाडात होतेय पीपीई कीटची निर्मिती

Archana Banage
error: Content is protected !!