प्रतिनिधी / सातारा
प्राथमिक शिक्षक सहकारी बँकेच्या मासिक सभेत पुस्तके गुरुजींच्या संचालकांनीच उपसूचना मांडून सुरुवातीपासून विरोध करायला सुरुवात केली. चेअरमन राजेंद्र घोरपडे यांच्या अध्यक्षतेखाली मासिक सभा रात्री 8.30वाजता सुरू झाली.
रात्री साडे दहा वाजले तरी गलका सुरू असल्याने लागूनच राज्याचे गृहराज्यमंत्री शंभूराज देसाई यांचे निवासस्थान असल्याने अखेर सातारा पोलिसांना येऊन शांततेत मासिक सभा घेण्याची सूचना करावी लागली. व्याजदर कमी करण्याचा मुद्दा मंजूर करावा यासाठी चेअरमन, व्हाईस चेअरमन यांना अनेकदा विनंती करावी लागली. पण सत्ताधारी गटातीलच संचालकांनी उपसूचना मांडल्याने सभा रात्री उशिरा तहकूब करण्यात आली.