Tarun Bharat

सिंधुदुर्ग जिल्ह्यातील एसटी वाहतूक ठप्प

Advertisements

सर्व आगारांमधील कर्मचारी संपात सहभागी : सोमवारी सकाळपासून केले काम बंद आंदोलन सुरू

कणकवली / प्रतिनिधी
महाराष्ट्र राज्य परिवहन महामंडळाचे राज्य शासनात विलीनीकरण व इतर मागण्यांसाठी राज्यभरात सुरू असलेल्या संपामध्ये सिंधुदुर्ग विभागातील कर्मचारीही सोमवारपासून उत्स्फूर्तपणे सहभागी झाले. कर्मचाऱ्यांनी सोमवारी सकाळपासून काम बंद आंदोलन सुरू केल्याने महामंडळाची वाहतूक व्यवस्था पूर्णतः कोलमडली होती.


विविध मागण्यांसाठी सर्व कर्मचारी संघटनांनी एकत्रित येत ऑक्टोबर महिन्याच्या शेवटच्या आठवड्यात बेमुदत उपोषण सुरू केले होते. यावेळी देण्यात आलेल्या आश्वासनानुसार उपोषण मागे घेण्यात आले असले तरीही महामंडळाचे शासनामध्ये विलिनीकरण करण्यात यावे ही कर्मचाऱ्यांची मागणी होती. त्यामुळे या मागणीसाठी गेले बारा दिवस राज्यभरात ठिकठिकाणी काम बंद सुरू करण्यात आले होते. सिंधुदुर्ग विभाग मात्र यात सहभागी झालेला नव्हता. परंतु सर्व कर्मचाऱ्यांनी एकत्रित येत सोमवारी सकाळपासून काम बंद आंदोलन सुरू केल्याने एसटी महामंडळाची संपूर्ण वाहतूक व्यवस्था ठप्प झाली. येथील बसस्थानकात कर्मचाऱ्यांनी एकत्रित येत महामंडळाचे शासनात विलीनीकरण झालेच पाहिजे यासाठी जोरदार घोषणाबाजीही केली. रा.प. महामंडळाच्या सूत्रांची संपर्क साधला असता सिंधुदुर्ग विभागामध्ये सोमवारी सकाळपासून कर्मचाऱ्यांनी काम बंद आंदोलन सुरू केल्याने महामंडळाची वाहतूक व्यवस्था पूर्णत कोलमडली असल्याचे सांगण्यात आले. यामुळे सकाळच्या सत्रात शासकीय सेवेत जाण्यासाठी बसस्थानकावर आलेल्या कर्मचाऱ्यांची मोठी गैरसोय झाली. दरम्यान सकाळच्या सत्रात विजयदुर्ग आगारातील काही किरकोळ बसेस वगळता संपूर्ण वाहतूक ठप्प झाली असल्याचे महामंडळाच्या सूत्रांनी सांगितले.

Related Stories

मृत्यूच्या तांडवापुढे फ्रान्स हतबल!

NIKHIL_N

कोकण मार्गावर उद्यापासून जबलपूर-कोईमत्तूर स्पेशल धावणार

Abhijeet Shinde

आदर्श शाळांच्या अंतिम यादीत सिंधुदुर्गातील नऊ

NIKHIL_N

एका माध्यमाच्या ‘सिक्रेट’ शाळेतून विद्यार्थी पालकांवर दबाव

Patil_p

रत्नागिरी : दापोलीत चारित्र्याच्या संशयावरून पत्नीस जाळण्याचा प्रयत्न, दोघांवर गुन्हा दाखल

Abhijeet Shinde

दापोलीत झाड कोसळून सहा गाड्यांचा चक्काचूर

Abhijeet Shinde
error: Content is protected !!